Z Ustaaza 🧭

“Musibatlarning buyukrogʻi yomon xulqdir.” Ibn Hibbon رحمه الله

Умар ибн Хаттоб розияллоҳу анҳу дедилар: “Аёлларнинг энг ёмони - салфаъдир”. Салфаъ: Эркаклар билан тортишишда журъатли, тилини узун қиладиган, ва улардан уялмайдиган, ҳаё қилмайдиган аёлдир.

Savol: Telegram ijtimoiy tarmog‘ida Rasululloh sollallohu alayhi vasallam: "Jabroil alayhissalom menga o‘rgatdi. Sizlarga uni aytib beraman, kim nayson (aprel) oyida yomg‘ir yoqqanda suvidan olib, 70 martadan fotiha, oyatal kursi, falaq, nas, kafirun, suralarini o‘qib dam solib ichsa erkak va ayol bepusht bo‘lsa farzand ko‘radi, falaj bo‘lmaydi, tanadagi bor kasalliklar tuzaladi", mazmunli xabar tarqaldi. Haqiqatan ham shu ma’nodagi hadis bormi? Javob: Bismillahir Rohmanir Rohiym. Mazkur rivoyatni hadis deb aytish katta gunoh hamda Rasululloh sollallohu alayhi vasallamga nisbatan yolg‘on to‘qish hisoblanadi. Birorta ham e’tiborli va ishonchli hadis kitoblarida bunday mazmundagi hadis kelgan emas. Ayrim ulamolar uni hadis to‘qish bilan shug‘ullanadiganlarning to‘qimasi ekanligini ta’kidlab o‘tishgan. Shuning uchun har qanday ma’lumotlarni, xususan, dinga oid ma’lumotlarni to‘g‘ri yoki noto‘g‘riligini aniqlamasdan turib tarqatishdan juda ham ehtiyot bo‘lish lozim. Bunday ishlar yolg‘onga xizmat qilish va boshqalarni aldash hisoblanadi. Qolaversa, bu yolg‘on oddiy yolg‘onlar kabi shunchaki harom bo‘lib qolmay, jahannam bilan tahdid qilingan gunohlar sirasiga kiritilgani haqida Payg‘ambarimiz sollallohu alayhi vasallam bunday deganlar: عَنْ سَعِيدِ بْنِ زَيْدٍ رَضِيَ اللَّه عَنْهُ قَالَ: سَمِعْتُ رَسُولَ اللَّهِ صلى الله عليه وسلم يَقُولُ: "إِنَّ كَذِبًا عَلَيَّ لَيْسَ كَكَذِبٍ عَلَى أَحَدٍ ، مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ" (رَوَاهُ الإِمَامُ البُخَارِيُّ) “Mening nomimdan (aytilgan) uydirilgan yolg‘on so‘z boshqa bir kishi nomidan uydirilgan yolg‘on kabi emasdir. Kimki mening nomimdan qasddan yolg‘on so‘z to‘qisa, jahannamdagi joyiga tayyorgarlik ko‘rsin!” (Imom Buxoriy rivoyati). O‘rni kelganda shuni ham ta’kidlash kerakki, shu mavsumda, ya’ni, aprel oyida yog‘adigan yomg‘irning foydalari tibbiy jihatdan isbotlangan bo‘lsa, soha mutaxassislarining ko‘rsatmasi bo‘yicha iste’mol qilish xato yoki gunoh hisoblanmaydi. Vallohu a’lam. O‘zbekiston musulmonlari idorasi Fatvo markazi

Salomning eng qisqa toʻgʻri shakli — assalamu alaykum Salom alekoʻm, assomalekum va boshqa buzilgan shakllar Islomdagi salomlashuv emas, aksincha, yahudlarning soʻzlarni buzib, salomdagi duoni badduoga oʻzgartirish shakllari shunday boʻlgan edi. Ayni sababdan salomni buzishga yengil qarash toʻgʻri boʻlmaydi. Oyatga koʻra, salomga afzalida toʻliq javob berish; eng kamida esa oʻzining mislicha alik olish vojib, “va alaykum” iborasini Nabiy sollallohu alayhi vasallam buzuq salom bergan buzuq niyatli yahudlarga ishlatganlar. Shuningdek, “assalamu alaykum”ga “assalamu alaykum” bilan javob berilmaydi. Alik olinadi. Bunda kim katta, kim kichikligining farqi yo’q

قال ابن مسعود رضي الله عنه لعلقمة (وقد عجل في القراءة): "فداك أبي وأمّي، رتّل، فإنه زين القرآن". Ibn Mas’ud rodiyallohu ahu Alqamaga (u qiroatda shoshilgan edi): “Otam-onam senga fido bo‘lsin, tartil bilan o‘qi, albatta u Qur’onning bezagidir”, dedi.